На запыт знайшлося 238 артыкулаў

  1. 1
    На адно кусаіла тры сірбаілы. — Жарт пры ядзе:
    1. Прыказваюць, калі пры пільнай рабоце нехапае часу пад'есьці.
    2. Калі пры ядзе нехапае хлеба й даводзіцца стравай намагаць.
  2. 2
    На адным месцы й камінь абрастая. — Прыказвае той, хто добра абжыўся на адным месцы, а яго супроць ягонай волі перасяляюць у месца іншае.
  3. 3
    На адным тыдні сем пятніц. — У каго бязупынны пост.
  4. 4
    На барышы, што хочыш брашы.
    1. Калі пры сватаньні ці з боку дзяцюка, ці з боку дзеўкі ставяць нейкія ўмовы ці робяць засьцярогі.
    2. Калі пры куплі жывёлы нехта пытае, ці тая жывёла мае нейкую ганьбу.
  5. 5
    На благоя доўга вучыць ня трэба. — Скардзяцца бацькі, калі дзеці ці падлеткі на вуліцы навучацца благіх словаў.
  6. 6
    На Бога надзейся, алі й сам старайся. — Прыказваюць гультаю, які наракае на Бога за сваю беднасьць.
  7. 7
    На бок грыбок - баравік едзя. — Жартуюць, калі ганарысты чалавек праходзе.
  8. 8
    Набраўся, як жаба гразі. — Гавораць на таго, хто сілу страціў ад гарэлкі ды ў бруд укачаўся.
  9. 9
    Набрахала на свой хвост. — Калі нехта праз свой язык сябе выдасьць. Паходзе з казкі аб лісіцы, калі яна брахала на свой хвост ды наклікала на сябе сабак.
  10. 10
    На воўка памоўка, а мядзьведзь ціха вядзець. — Калі воўк нападзе на статак, дык пастушкі крычаць ды гоняцца за ім. Каровы ці коні ціснуцца тады ў кучу, адбіваюцца, бароняцца. Калі-ж нападае мядзьведзь, дык пастушкі ўцякаюць ды хаваюцца, а коні ці каровы разьбягаюцца ў розныя бакі. Мядзьведзь тады бярз сваю ахвяру й спакойна нясе яе ў лес. Прыказваюць да гэтага, што калі невялікі злачынца пакрыўдзе людзей, абкрадае ці паб'е, дык яго лаюць ды прыцягваюць да судовай адказнасьці. Калі-ж вялікі злачынец абрабуе міліёны да апошняга куска хлеба ды таксама міліёны нявінных закатуе на сьмерць, дык здавалася-б, што паважныя людзі будуць ставіцца з агідай да гэткага ліхадзея. Яны-ж, тымчасам, паціскаюць яму акрываўленыя рукі, высьцілаюць дарагімі кілімамі сьцежку ды прыймаюць, як роўнага сабе гасьця.
  11. 11
    Навучыўся на пень брахаць. — Кажуць, калі пачуюць, як нейкі падлетак навучыцца брыдотныя словы гаварыць.
  12. 12
    На галодны зуб добра й гэта. — Калі беднаму нейкі, хоць і несамавіты дабытак дастанецца. Паходзе ад казкі аб лісіцы, што гэтак казала, калі знайшла жука.
  13. 13
    Нагамі накрыцца. — Калі моцна піргнуць чалавека назад, дык пры паданьні ягоныя ногі зь імпэту лягуць на жывот. Прыказваюць, калі пагражаюць, што піргнуць. «Калі піргну, дык ты аж нагамі накрыешея».
  14. 14
    На гнеў ня рублін хлеў. — Жартуюць зь дзяцей, калі яны гневаюцца ды есьці ня ідуць.
  15. 15
    На год, шмат прыгод, а на вяку, німа ліку. — Прыгоды ў жыцьці - натуральная зьява, дык імі ня варта пераймацца.
  16. 16
    Нагрэтага куточка шкода пакідаць. — Прыказвае той, хто на адным месцы абжыўся, а яму суляць пераяжджаць на іншае месца.
  17. 17
    На гэтым зубы зьеў. — Хто на адным занятку ўсё жыцьцё правёў.
  18. 18
    На гэтым сьвеця, як у карэця: едзіш, калышышся, пакуль ня вывірнішся. — Прыказвае той, каму зрадзіла шчасьце.
  19. 19
    Надзеў бабскі андарак. — Хто пашоў на жончыну гаспадарку ў прымы (быццам дзеўка), пашоў замуж.
  20. 20
    Надзьмуўся, як мыш на крупы. — Прыказваюць на таго, хто пагневаўся.

Паведаміць пра недакладнасьць