Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  е  ё  і  л  о  р  у  ч  ы  я  
 
Старонкі: 1  2  3  4  5  6  7  8  9  10  


На ваш запыт знойдзены 188 артыкулаў

  1. Па адном, па адном, ды ўсе памром. — Прыказваюць на хаўтурох, каб разважыць сям'ю памерлага.
  2. Павер - памер. — Даючы нешта напавер, трэба добра падумаць, каму можна даваць.
  3. Па вясьне рукамі сплясьне. — Спляснуць рукамі - апынуцца ў роспачы. Гэтак папераджаюць гульлівую дзяўчыну.
  4. Пагаворым дзедзька аб людзей, бо аб нас людзі ўжо даўна гаворуць. — Прыказваюць таму, хто пачынае гаварыць аб дрэнных паводзінах іншых, каб гэтым прыцьміць свае яшчэ горшыя.
  5. Па гаспадару плача клець, а па гаспадыні плача печ. — Калі благі гаспадар, дык няма парадку ў клеці й яна часта пустуе. Калі благая гаспадыня, дык сям'я ў сваю пару ня будзе накормленая, а часам і галодная.
  6. Паглядзім, дзе каго пасадзім. — Кажны дастане месца паводля ягоных заслугаў.
  7. Пагода як дым - аж вушы кураць! — Прыказваюць, калі гарачая й вельмі сухая пагода.
  8. Пагрэў рукі. — Прыказвае гандляр, калі шмат зарабіў на перапрададзенай рэчы, або той, што дастаў добры магарыч.
  9. Пагуляць ці зьесьці, дык, калі няма часу, можна пакінуць і да заўтрашняга, а пільную работу трэба кончыць сяньня. — Прыказка бацькоў у навуку дзецям.
  10. Падай тоя рагатоя. — Жартам прыказваюць, калі просяць нешта падаць ці прынесьці ды калі ня ведаюць, як яно называецца. Паўстала з казкі аб цыгану й бортніку: - Цыган прасіў у бортніка мёду. Бортнік прыставіў да борці лясу (верхавіну дрэва з абцярэбленым надоўга суччом). Калі цыган палез на палаці да борці, дык бортнік адкінуў лясу набок. У борці, тымчасам, былі ня пчолы, а шэршні, і яны напалі на цыгана. Цыган тады стаў крычаць на бортніка: - «Баця, баця! - падай тоя рагатоя!».
  11. Падарожны за сабой хаты ня нося. — Прыказваюць, калі пускаюць нанач падарожнага. Прыказвае гэтак і падарожны, калі просіцца нанач.
  12. Падбівай вілы ды бяры на ўсе жылы. Падымай вышэй носу ды кідай на калёсы. — Жарт. Прыказваюць, калі вывозяць з хлява гной.
  13. Пад бокам багацьця ня выліжыш. — Прыказваюць гультаю, які хоча збагацець.
  14. Пад ліжачы камінь вада ні цячэ. — Кажуць гультаю, які марыць аб багацьці, але не працуе, а ляжыць.
  15. Паднялі на гук (на языкі). — Калі грамадою аб кім-небудзь загавораць няпрыемныя рэчы.
  16. Пад старасьць і кот дурнея. — Аб старым, калі ён памыліцца, ці нешта недарэчнае скажа або зробе.
  17. Падходзя яно табе, як сьвіньні кульбака. — Пра няўдалы адзетак ці ўборы. (Падходзя табе гэта сукенка, як сьвіньні кульбака).
  18. Пад чужую дудку скача. — Аб тым, хто сьлепа выконвае чужыя загады.
  19. Паехалі глухія, павязьлі дровы сухія. — Гэтак жартуюць з таго, хто недачуўшы нейкага слова, паверне яго на другое, падобнае па вымове.
  20. Пажывём далі, пачуім болі. — Прыказваюць, калі няпэўную навіну пачуюць.

Старонкі: 1  2  3  4  5  6  7  8  9  10  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2017