Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  е  і  л  о  р  с  у  
 
Старонкі: 1  2  3  4  5  6  7  8  9  


На ваш запыт знойдзены 164 артыкулы

  1. Каваль куе - жонка пяе. — Калі ў каваля ёсьць работа, дык ёсьць і грошы, а тады жонка пяе, бо багатая.
  2. Каваль робя людзьмі, а сталяр робя грудзьмі. — Прыказваюць таму, што кавалю дапамагае каваць завозьнік, што прывёз работу, а сталяр сам мусе выконваць усю работу.
  3. Кажа Марац Калядоўцу: каб я ў тваім чася быў, дык-бы быку-трацьцяку рог зьбіў. — Сялянская прыказка аб жорсткасьцях месяца Марца (Сакавіка), які пазьбіваў-бы рогі бойкаму быку-трацяку, калі-б быў у часе Каляд.
  4. Кажушок дзяржыць душок. — Гэтак сяляне ўсхваляюць кажух.
  5. Кажы таму, хто ня ведая. — Гэтак спыняюць гутарку манюкі.
  6. Казала качарга гуляці да чацьвірга. — Даўней вясельле ў Беларусі звычайна працягвалася да серады, але калі госьці разгуляюцца, дык працягвалі вясельле й да чацьвярга. А калі й у чэцьвер госьці не разыходзіліся, дык гаспадару даводзілася разганяць вясельле качаргой.
  7. Казаў той. — Сялянская прымаўка перед удалай прыказкай ці выказам.
  8. Кайіньня позна ходзя. — Гэтак прыказваюць таму, хто хоць і раскайваецца аб сваіх паступках ці паводзінах, але страчанага ня можа вярнуць.
  9. Калі баба хрома, дык сядзі дома.
    1. Тут прыказваецца да таго, што калі хто нядужы, дык хай не бярэцца за цяжкую работу.
    2. Хто няздольны да нейкае работы, хай за яе не бярэцца.
  10. Калі Бог дасьць, дык у вакно падасьць. — Шчасьлівага шчасьце знойдзе й у ягонай хаце.
  11. Калі Бог дасьць мужыку сыць, дык ён дагары лежучы сцыць. — Прастак пры вялікай выгадзе даходзіць да вялікага гультайства й разбэшчанасьці.
  12. Калі Бог захоча чалавека пакараць, дык перш розум адбярэ. — Прыказваюць, калі нехта папаўся ў бяду праз сваю дурноту й неразважлівасьць.
  13. Калі Бог ні дапусьця, дык сьвіньня ня зьесьць. — Гэтак адказваюць на пагрозу слабых ды нікчэмных людзей.
  14. Калі брусьніца чырванабока, дык парабак насьпіць вока. — Брусьніцы пачынаюць чырванець у канцы ліпеня, калі ноч прыбудзе, таму парабак тады ўжо напалову высыпаецца.
  15. Калі будзім у Бога годны, дык ня будзім галодны. — Прыказваюць таму, хто надта шмат клапоціцца аб ежы, бо не адна ежа патрэбная для людзкога жыцьця.
  16. Калі будзіш міняць, дык будзя хамут гуляць. — Гэтак папераджаюць таго, хто мае ахвоту мяняць коні з гандлёўшчыкамі.
  17. Калі будзіш усё ведаць, дык скора састарэішся. — Прыказваюць дзецям, ці падлеткам, якія цікавяцца справамі неадпаведнымі іхнаму веку.
  18. Калі валіцца малы, дык Бог падкідая падушачку, а калі стары валіцца, дык Бог падкідая барану. — Прыказваюпь, калі стары зваліцца, дык звычайна скалечыцца, ці заб'ецца, а малы пры гэткай-жа прыгодзе застаецца непашкоджаны.
  19. Калі веруць, дык ні правірайся. — Хто набыў давер у грамадзе, хай яго ня губляе праз злоўжываньне.
  20. Калі вінін, дык аддаць павінін. — Напамін людзям, каб былі справядлівымі й сумленнымі ў дачыненьні да іншых.

Старонкі: 1  2  3  4  5  6  7  8  9  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019