гнётка — тоўстая кішка.
Такую грузь падымаў, аж гнётка вылезла.

гніліна — хваравіты, слабы на здароўе, западлівы.
Такая ўжо гніліна, вецер дыхнець - валіцца.

гнуцікі — санкі з гнутымі капыламі.
Гнуцікі такія лёгкія на бягу.

гняваш, гнявы (мн. лік) — гняўлівы, сварлівы, злапомны.
У гневаша не на мейсцы душа. Гнявы ня ставяць хлявы.

гнянуць — ударыць, грымнуць.
Як гняну, дык доўга помніць будзіш.