Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  б  в  г/ґ  д  і  л  м  н  о  с  т  ч  ь  я  
 
Старонкі: 1  2  3  4  


На ваш запыт знойдзены 80 артыкулаў

  1. Запас бяды ня чыня. — Прыказвае той, хто захоўвае нешта можа й каштоўнае, але ў гэты час непатрэбнае.
  2. Запрос у кішэнь ня лезя. — Прыказвае той, хто запрашае вялікую цану за свой тавар.
  3. Зарабіў, як Заблоцкі на мыля. — Прыказваюць аб тым, хто пры гандлі ўтраціў на нейкім тавары.
  4. Заракалася сьвіня ў гарод лазіць. — Прыказваюць, калі ведамы злачынца заракаецца нейкае злачынства рабіць - злодзей красьці, разбойнік біцца.
  5. Зарубі сабе на нося. — Прыказваюць таму, хто зрабіў вялікую памылку й каб яе больш не паўтараў.
  6. Заручаны - разлучаны, вянец - усяму канец. — Прыказвае той, хто дамагаецца, каб пасьля заручынаў вясельле разрабіць.
  7. За свае грошы ўсюды харошы. — Справядлівага й гойнага чалавека ўсюды хваляць.
  8. Засірапіта. — Лаюць блазна, малакасоса, які мяшаецца ў справы сталых.
  9. Заўсёды бойся старога старца й новага багатыра. — Гэтак прыказваюць, бо стары стараць выцягне ўсё просьбай, а малады багатыр ашуканствам і пагрозамі.
  10. За чужоя карыцца ды нам трэба сварыцца. — Прыказвае той свайму супраціўніку, хто апомніўся, што яны апастыляюцца за чужыя інтарэсы.
  11. За чужоя лычка рэміньчыкам плаціцца. — Напамінак, каб ня прагнуць чужых рэчаў, бо за чужую танную рэч дорага плацяць.
  12. За чужым пагонішся, дык сваё ўтраціш. — Прыказваюць маладым у навуку, каб ня галіліся на чужое дабро.
  13. За што купіў, за тоя й прадаў. — Прыказваюць аб тэй рэчы, якая дарэмна дасталася дый марна й страцілася.
  14. За язык пацягнула. — Прыказвае, хто няўмысьля сказаў непажаданае слова, ці выхваліўся з сакрэтам.
  15. З благім чалавекам і сраць побач не садзіся, бо ён прычэпіцца, што тваё гаўно горай сьмярдзіць. — Аб благіх курузьлівых людзях.
  16. З благога быка ні лою, ні малака. — Прыказваюць аб благім статку, ці аб бескарысных людзях.
  17. З благога куста благая й птушка вылітая. — Прыказваюць, калі вырадкі й злачынцы выводзяцца з благое радні.
  18. З благога статку ні ў клеці лою, ні ў хлевя гною. — Аб благім статку.
  19. З Богам, Параска, калі людзі здараюцца. — Прыказваюць, калі благі непатрэбны чалавек пагражае, што пакіне грамаду.
  20. Збор дружына. — Калі людзі з розных бакоў і з рознымі паглядамі, дык між імі згоды ня будзе.

Старонкі: 1  2  3  4  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019