прабіць
як токам прабіла (каго). Гл. ток.
як цвіком прабіць. Гл. цвік.

праваліцца
ажаніўся - як пад зямлю праваліўся. Гл. зямля.
згінуць як праз зямлю праваліцца. Гл. зямля.

правесці
як пугай па вадзе правёў. Гл. пуга.

праворань
корань як шворань - ля дзевак праворань. Гл. шворань.

праглынуць, праглаціць
асеўся як язык праглаціў. Гл. язык.
Горла як прорва, праглынець, што ў рот пападзець. Гл. прорва.
век пражыў як салёны грыб праглынуў. Гл. грыб.
маўчаць быццам язык праглынуў. Гл. язык.
надуцца як яжа праглынуў. Гл. ёж.
змоўкнуць як язык праглынуць. Гл. язык.
маўчаць як жабу праглынуўшы. Гл. жаба.
сядзець як жабу праглынуўшы. Гл. жаба.

прагрымець
як прагрымеў. Мсцісл. Пра чыё-н. незразумелае знікненне. Юрчанка, 194.

прадацца
Наняўся - як прадаўся. Крыч., Паст., Мін., Рэч., Лоеў. Прык. Няўхв. Пра паднявольную працу найміта. Бялькевіч, 294; Hoc., 86; Federowski, 197; Pietkiewicz, 380; ЛЦ, 27; Цыхун, 187; СПЗБ 3, 163; БД, 96.

прадаць
спаць як авёс прадаўшы. Гл. авёс.
спаць як валоў (вала) прадаўшы. Гл. вол.
спаць як венікі прадаўшы. Гл. венік.
спаць як гарох прадаўшы. Гл. гарох.
спаць як козы прадаўшы. Гл. каза.
спаць як лапці прадаўшы. Гл. лапаць.
спаць як лыка прадаўшы. Гл. лыка.
спаць як муку прадаўшы. Гл. мука.
спаць як пяньку прадаўшы. Гл. пянька.
хадзіць як зямлю прадаўшы. Гл. зямля.
спаць як пшэніцу продаўшы. Гл. пшаніца.
спаць як волы продаўшы. Гл. вол.

праехаць
жыў як на свінні праехаў. Гл. свіння.
пражыў як на сабаку праехаў. Гл. сабака.
пражыць як на баране праехаць. Гл. барана.
пражыць як на кані праехаць. Гл. конь.

пражонка
жонка як пряжонка. Смал. п. Жарт. Ухв. Пра прыгожую, прыемную жонку. Добр., Смол., 745. ≺ Пражонка - яешня.

прайсці
як праз хату 〈прайсці〉. Гл. хата.
песні як вецер у полі: вецер падуў - і песні прайшлі. Гл. вецер.
як Мамай прайшоў дзе. Гл. Мамай.

пракіпець
прайшоў век як у гаршку пракіпеў. Гл. гаршчок.

праклён
Галодны як шалёны: то кладзе паклоны, то праклёны. Гл. шалёны.

пракляты
сыпацца як з праклятага меха. Гл. мех.
рабіць як пракляты. Няўхв. Пра чалавека, што знясілена, шмат, надсадна працуе. ФСБМ 1, 550.

пралеска
вочы сіні як пралескі. Ваўк. п. Ухв. Пра прыгожыя сінія вочы кагосьці. Federowski, 336.

праломка
як у [якую] праломку. Пра непрыкметнае бясследнае знікненне кагосьці ці чагосьці. Мін.-Мал., 1977, 89.
віцца як уюн у праломцы. Гл. уюн.

прамыты
вочы як прамытыя. Рэч. Пра стан бяссоння кагосьці. Pietkiewicz, 382.

пранік
рука ці нога ек пранік. Жытк. Пра чалавека, у якога напухаюць канечнасці, робяцца нягнуткія. ТС 5, 119.
пляснуць як пранікам па вадзе. Бераст., Навагр. Асудж. Пра чалавека, што сказаў пустое, нікчэмнае. Сцяшковіч, 618.

пранцуз, гл. француз

прарэзаны
вочы як асакою прарэзаны. Гл. асака.
вочы як сачынкаю прарэзаны. Гл. сачынка.