Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  б  в  г/ґ  е  з  й  к  м  н  т  ч  ш  я  
 
Старонкі: 1  2  3  4  5  


На ваш запыт знойдзены 88 артыкулаў

  1. Як сірата плаче, дык ніхто ні бача, а як сірата засьмяецца, дык увесь сьвет здрыганецца. — Калі бедны гаруе, дык гэта нікога ня дзівіць. Калі-ж бедны пачне багацець, ці калі зь бядой папалам стаў выбівацца да лепшага жыцьця, дык усе із злосьцю пачынаюць яму зайздраваць і рабіць перашкоды.
  2. Як сірбаў, так і сьцібаў.
    1. Калі чалавек быў добра накормлены, дык ён шмат і работы зрабіў.
    2. Калі нехта быў добра падрыхтованы ці навучаны да нейкай працы, ці справы, дык ён добра будзе выконваць свае абавязкі.
  3. Як трывога, тады да Бога.
    1. Калі чалавеку пагражае нейкая небясьпека, дык ён тады пачынае маліцца.
    2. Калі нехта жыве спакойна, дык ён да нікога не зьвяртаецца, каб падзяліцца сваімі дасягненьнямі. А калі яму стане нешта пагражаць, нейкая бяда ці небясьпека, тады ён ходзе, шукае дапамогі ці парады.
  4. Як тут, так і там, па калені жупан. — Прыказваюць, калі хочуць давесьці, што ўсюды аднолькава, як у хваленым месцы, так і тут.
  5. Як у ступя ваду таўчы. — Аб пустой гутарцы ці аб бескарыснай рабоце.
  6. Як у сук. — Калі нехта сказаў слова вельмі дарэчы.
  7. Як хто хоча, так па сваім бацьку й плача. — Прыказваюць таму, хто пачынае ўмешвацца ў чужыя асабістыя ці хатнія соправы.
  8. Як чорт у ваду перднуў. (Забурбаліла й сьціхла). — Калі нехта перад грамадой сказаў недарэчнае ці брыдотнае слова.
  9. Яму (ей) што поп, то й дзядзька. — Аб тых, якія хочуць быць знаёмымі з усімі, асабліва з паважнымі.
  10. Яму жыць на сьвеця, як у чужой клеці. — Аб тым, хто ня мае ніякіх клопатаў аб пражыцьці, жыве на ўсім гатовым.
  11. Яму й ня шум баравы. — Аб тым, хто аб нічым ня дбае.
  12. Яму сцы ў вочы, а ён кажа - дождж ідзе. — Аб прастаку, які не разумее абразьлівых словаў ці чынаў.
  13. Я на яго вока ні маю. — Ня маю на яго ласкі.
  14. Я не хачу пад старую сраку ды маладыя ногі падстаўляць. — Адказвае стары мужчына, калі яму прапануюць жаніцца з маладой.
  15. Я ня буду сраных пакрываць. — Кажа, хто ня хоча ставіцца ў абарону злачынцаў ці амаральных людзей.
  16. Я табе з таго сьвету буду прыяць. — Абяцаньне ўміраючага. - «Калі вы, дзеткі, будзіця жыць у згодзя, дык я вам з таго сьвету буду прыяць».
  17. Я табе пакажу, дзе ракі зімуюць. — Прыказваюць, калі пагражаюць пакараць ці адпомсьціцца.
  18. Я табе скажу казку: «Пан зьвязаў гаўна вязку, абнёс каля калёс ды туц табе ў нос». — Жартуе баечнік, калі надакучылі, просячы казак.
  19. Я такі поп, што бяру й боб. — Прыказвае прадавец тавараў, калі заміж грошы ў лік платы бярэ рознае збожжа.
  20. Я там быў, мёд, віно піў; у роця ні было, а па барадзе пацякло. — Гэтак прыказвае баечнік пасьля апавяданьня байкі.

Старонкі: 1  2  3  4  5  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019