Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  в  з  о  р  у  
 
Старонкі: 1  2  3  4  5  6  7  


На ваш запыт знойдзены 132 артыкулы

  1. Дзеля дружбы й цыган вешаўся. — Жартуюць з таго дзяцюка, які на кірмашы палез бараніць свайго сябру й сам дастаў па карку.
  2. Дзе маё не прапала? — Кажа той, хто плаце не заслужаныя выдаткі.
  3. Дзе маё ні прапала. — Прыказвае той, хто нейкую невялікую рэч адступае другому. Прыказвае й той, хто мае нейкую невялікую страту ў гаспадарцы.
  4. Дзе мы жывём, там пуга з вузлом. — Прыказвае той, каму дрэнна жывецца.
  5. Дзе начуя, там ня днуя. — Аб валачашчым чалавеку.
  6. Дзе няняк многа, там дзіця бязнога. — Аб гаспадарцы, дзе шмат работнікаў, але няма парадку, бо кажны спадзяецца, што нехта іншы зробе, а работа застаецца нязробленай.
  7. Дзе піва варуць, там і п'юць. — Калі пры вырабе нейкай ежы ці харчовых прадуктаў там-жа іх і спажываюць.
  8. Дзе піва п'юць, там і разьліваюць.
    1. Калі пры пачостцы разьліваецца пітво.
    2. Прыказваюць, калі пры разьдзеле нейкай маемасьці здараецца невялікі ўбытак.
  9. Дзе позная ральліца - родзя гірса, мятліца. — Прыказваюць сяляне, калі позьняцца з часам воранкі.
  10. Дзе раньняя ральліца - родзя жыта, пшаніца. — Прыказваюць сяляне аб паравой воранцы пад пасевы збожжа.
  11. Дзе рост, там і ўмалот.
    1. Калі парасло збожжа, дык зь яго можна спадзявацца й добрага ўмалоту.
    2. Аб чалавеку, калі ён вялікі й моцнага складу цела, дык можна спадзявацца, што зь яго будзе добры работнік.
  12. Дзе сеў, там і прыкіпеў. — Аб нярупным чалавеку, які, калі пашлюць яго за патрэбай, ён заседзіцца на доўгі час.
  13. Дзе сіраце бацьку браць. — Калі патрэбная нейкая рэч, а яе няма дзе дастаць, дык трэба прыдумляць, каб безь яе абыйсьціся.
  14. Дзесятаму закажа. — Калі некага слушна пакараць за злачынства, дык дзесяць зарачэцца гэта рабіць.
  15. Дзе тут у вубоствя жывучы ды зь перцам есьці. — Калі нехта да благой адзежы, ці дрэннай снасьці ды аздабленьні вешае.
  16. Дзе ўжон, там і ўмалот. — Калі шмат нажата, дык можна спадзявацца, што шмат і намалоціцца.
  17. Дзе хвэст - і йіна там ест. — Гэтак, у простым сэньсе, высьмейваюцца ахвотнікі наведваць хвэсты й кірмашы. Гэтак прыказваюць і да тых, хто без запрашэньня цісьнецца на чужыя балі-бяседы й хто ўмешваецца ў чужыя справы, калі яго ня просяць.
  18. Дзеці, дзеці! Дзе мне вас падзеці? — Так бядуюць бацькі, калі дзеці благія.
  19. Дзе чорт ні араў, там сеіць ні стаў. — Калі хто ня хоча рызыкаваць нечым, бо не спадзяецца ўдачы ў дадзенай справе.
  20. Дзе чорт ня зможа, там бабу пашле. — Перакананьне, што баба быццам мае большыя здольнасьці на тое, каб зьвесьці чалавека на благое, як сам чорт.

Старонкі: 1  2  3  4  5  6  7  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019