авія... Першая састаўная частка складаных слоў, якая адпавядае: 1) слову авіяцыйны, напрыклад: авіябомба, авіязлучэнне, авіямеханік, авіяспецыяліст, авіяпрыборы,…

авіяапырскванне, -я, н. Апырскванне палёў хімічнымі рэчывамі пры дапамозе авіяцыі.

авіябаза, -ы, ж. Аэрадром з рамонтнымі майстэрнямі, складамі і абслуговымі падраздзяленнямі для забеспячэння дзеянняў авіяцыі.

авіябомба, -ы, ж. Снарад абцякальнай формы, напоўнены выбуховымі запальнымі або атрутнымі рэчывамі, які скідваецца з лятальнага апарата ў стан ворага або на важныя…

авіябудаванне, -я, н. Вытворчасць лятальных апаратаў, прыбораў і абсталявання для авіяцыі.

авіябудаўнік, -а, м. Работнік авіяцыйнай прамысловасці.

авіядэсант, -а, М -нце, м. Войска, якое высаджваецца з самалётаў, верталётаў на тэрыторыю праціўніка для ўдзелу ў баявых аперацыях.

авіядэсантны, -ая, -ае. Які мае дачыненне да авіядэсанта. Авіядэсантныя войскі.

авіязавод, -а, м. Авіяцыйны завод.

авіяканструктар, -а, м. Канструктар лятальных апаратаў і рухавікоў да іх.

авіялінія, -і, ж. Пастаянны маршрут транспартных самалётаў паміж двума або некалькімі населенымі пунктамі; паветраная лінія.

авіямадэлізм, -у, м. Канструяванне, пабудова і запуск мадэляў лятальных апаратаў.

авіямадэліст, -а, М -сце, м. Той, хто займаецца авіямадэлізмам.

авіямадэль, -і, ж. Мадэль лятальнага апарата.

авіямадэльны, -ая, -ае. Які мае дачыненне да авіямадэлі. Авіямадэльны гурток.

авіяматка, -і, ДМ -тцы, ж. Тое, што і авіяносец.

авіяносец, -носца, м. Карабель, прыстасаваны для ўзлёту, пасадкі і перавозкі самалётаў.

авіяпошта, -ы, ДМ -шце, ж. Перавозка пошты паветраным транспартам. Паслаць пісьмо авіяпоштай.

авіясувязь, -і, ж. Паветраная сувязь.

авіятар, -а, м. Той, хто займаецца лётнай справай, авіяцыяй; лётчык. [Фр. aviateur.]